كل الشجر
رجب الصاوي
كل الشجر أخضر أخضر
عشان بيحضن فى العصافير
فى كل عام يطرح لينا
ومن فروعه يدفينا
ونشوفه يضحك لعنينا
من ضحكته يتهز الطير
باصص ورا وباصص قدام
على كتفه واقف صف حمام
ولما يظهر فى الأحلام
يطلع لنا جناحات ونطير
كل الشجر عنبه وتوته
يشبه لشكل البنوته
بفيونكه حلوه وقطقوطه
وبيبتسم غاوى التصوير
ينزل يوشوش للميه
ويقول لها اسقينى شويه
ده انا اللى عامل شمسيه
وقلبى بيحب القمامير
كل الشجر أخضر نيلى
باروح له وكمان بيجيلى
يقعد معايا يغنى لى
إكمنه طيب قوى وأمير .
عشان بيحضن فى العصافير
فى كل عام يطرح لينا
ومن فروعه يدفينا
ونشوفه يضحك لعنينا
من ضحكته يتهز الطير
باصص ورا وباصص قدام
على كتفه واقف صف حمام
ولما يظهر فى الأحلام
يطلع لنا جناحات ونطير
كل الشجر عنبه وتوته
يشبه لشكل البنوته
بفيونكه حلوه وقطقوطه
وبيبتسم غاوى التصوير
ينزل يوشوش للميه
ويقول لها اسقينى شويه
ده انا اللى عامل شمسيه
وقلبى بيحب القمامير
كل الشجر أخضر نيلى
باروح له وكمان بيجيلى
يقعد معايا يغنى لى
إكمنه طيب قوى وأمير .
ليست هناك تعليقات:
إرسال تعليق