لنشر عملك بالمدونة Ahmedtoson200@yahoo.com



الثلاثاء، 6 نوفمبر 2018

رباعيات شعرية للأطفال بقلم: أحمد إبراهيم الدسوقى


رباعيات شعرية للأطفال
أحمد إبراهيم الدسوقى
الشمس بتحكى حكاية
الشمس دى صحبتــــى بتحكــــى حكــاية مابتتنسى
تنـزل على شباكى تنـوره تلعب مع دبدوبى وتصـــوره
الشمــــس حكت حكـاية القط فتفوت والفار عفـــروت
القـــــط شاط الكــــورة والفـار ياعينــــى بيعيد الفـورة

تُوتة تُوتة
تُوتـه تُوتـه الـــعـــصـــفـــورة فـــتـــفـــوتــــــه
تجمـــــع الحْــــب لأولادهــــا تُوتـــــه تُوتــــــه
التعبــــان الشرير يطلــــع لهم العــــش أخْ أخْ
يلاقى الصياد قوام بِالرصاص بينشن طخْ طخْ
سمانا يا سمانا

سمانــــــا يا سمانــــــــا إنــــــت سقفنــــــا وغطانــــــا
شمســـــك بتنــــور حياتنــــا هــــى غنــــوة طفولتنــــا
قمـــــــرك أبيـــــض متصــور خلــــى قلوبنــــا بتنــــــور
نجومــــك بتلمــــع يــــا صحابنا نلاقيهم بالليل أحبابنــــا


عروستى يا عروستى
عروستـــى يا عروستــــى باحبك ياعروستــى
غنــى معايا وقولى واحد إتنين الأرنب رايح فين
رايـــح مدرسته يتنطط وشايل مقلمته بيتعفرت
قابل البلحة نقاوة قالها يلا نتعلم وبلاش شقاوة   
نجمتى يا نجمتى
نجمتــــى يا نجمتــــى  إنــــت فى ليلــــك قصتــــى
نــــورك أقوى من الفــــانوس جمالك زى الشمــوس
نجمتــــى يا أم ديــــل سريعــــة إنـــــت فى الليــــل
بنام عى ضيك الجميل باصحى مستنية ليلك الجميل

ليست هناك تعليقات: