لنشر عملك بالمدونة Ahmedtoson200@yahoo.com



الثلاثاء، 18 أكتوبر، 2011

"الديمقراطية" قصيدة للأطفال والكبار بقلم شوقى حجاب

الديمقراطية
 شوقى حجاب

يعنى ايه ديمقراطية ؟
يعنى ايه؟
يعنى شعب بيحكمه
حد منه بيفهمه
والشعوب لو يحكموا
كل يوم يقدموا
كل شعب وله قضيه
ديمقراطية
****
يعنى ايه ديمقراطية؟
يعنى ايه؟
يعنى حرية اراء
لا نفاق ولا مراء
لا رجوع إلى الوراء
للامام بلا أفتراء
إنسانية وسواسية
ديمقراطية
****
يعنى ايه ديمقراطية ؟
يعنى ايه؟
يعنى ايه شورى وانتخاب
ناس ما فيش بينهم حجاب
واللى نختاره عشانا
يبقى نائب له حساب
والنيابة مسئولية !!
ديمقراطية

ليست هناك تعليقات: