لنشر عملك بالمدونة Ahmedtoson200@yahoo.com



الاثنين، 9 مايو 2011

"الوزه الوزوزه " قصيدة للأطفال بقلم عبده الزراع

الوزه الوزوزه 
شعر: عبده الزراع
ــــــــــــــــــــــــ
أنا وزه بأعوم وأكاكى
للدنيا بأقول : محلاكى
* * * * * *
أنا ريش أبيض ورمادى
وبأقول ف الصبح وأنادى
ع الشمس تيجى النحيادى
وتزور ضلفة شباكى
* * * * * *
وبأحب أكاكى كاك كاك
وأعوم فى الترعة اللى هناك
وياديك راح أغنى وياك
بلدى يا حلوه يا محلاكى
وبأحب الميه وخضرة
وبأحب أفكر فكرة
علشان أحلامى بكره
تطلع نجمة ف سماكى
* * * * * *
أنا وزويزو الوزوزه
والكل يقول محظوظه
وباحب التين والموزه
ويا بطه حذينى معاكى

ليست هناك تعليقات: