لنشر عملك بالمدونة Ahmedtoson200@yahoo.com



الاثنين، 27 نوفمبر 2017

"رأس السنة" قصيدة للأطفال بقلم: وفاء أبوزيد



رأس السنة
وفاء أبوزيد
يا أمنية ف رأس السنة
أطفال كتير كده زيــنا
كانت أمانيهم سعــيدة
يعيشوا فى دنيا جديـدة
وده حقهم... وده حقنا
أصحابنا فى سن الطفولة
دى رسالـة للكون مننا
ليه الصغير ينسى عطرك يا ورود
وغنوته يخنقــها دخــان  البارود
آدى لعبته أتكسرت
لما القلوب اتحجرت
والحرب تسرق حلمنا
لما قضى الفقر والجوع والمرض
على طفل زى برئ العالم سكت
وشافه يبكى من الالم
ويشكى حقه اللى أنهضم
وصراخه أعلى م الغنا..
من قلب طفل جريح
وكلامه حـــر صريح
نفسى أنام ف أمان
وما اخافش من بكرة
أزرع سلامـى غيطـان
وأصــحى على فــكرة
أن الطفولة تبتـسم
وأمانى حــلوة بتترسم
وأعيش أناالطفل السعيد
بحلــمى ف العام الجديد



ليست هناك تعليقات: