لنشر عملك بالمدونة Ahmedtoson200@yahoo.com



الاثنين، 27 يوليو 2015

"حادي بادي" قصيدة للأطفال بقلم: أمل جمال

حادي بادي
امل جمال

حادي بادي
حادي بادي
مين ف الدنيا زي بلادي
نيل و نخيل
و غنا و مواويل
و ارض خضرا و فلاحين
تحت فروع صفصافنا الهادي
حادي بادي
حادي بادي
مين في الدنيا زي بلادي
بحر كبير على رمل كتير
و عوامات و شماسي هايصين
مليانه فرحة بني أدمين
من سينا لأسوان و الوادي
حادي بادي
حادي بادي
مين في الدنيا زي بلادي
هرم – معابد
و شمع قايد
و أيقونات و أدان
و مساجد
دي هي بلدي
و دول ولادها
و إيد في إيد
حارسين أبوابها
يا مصر قومي تيهي
و اتهادي
حادي بادي
حادي بادي
مين في الدنيا
زي بلادي.

ليست هناك تعليقات: