بكل شطارة
عبده الزراع
ـــــــ
مش عايزه يا بابه
منك دبابه
ولا مدفع حربى
عايزه طياره
وتكون بدوباره
وتطير على فوق
وبكل شطاره
* * *
أحمر على أخضر
بنى على أصفر
ديلها بيجرجر
من قبل ماتعلا
زى الطواويس
ألوانها بتضوى
فوق سقف الحارة
* * *
طايره الطياره
ف السما دواره
وف ايدى دوباره
أرخى وأشد
وبكل مهاره
* * *
حلوه ألوانها
لكن لو خانها
ف العالى ميزانها
تهرب من ايدى
وتقع ع الجاره
يا ألف خسارة
ليست هناك تعليقات:
إرسال تعليق